Kehne me kya harz hai,
Zindgi me humara kya itna hi farz hai,
Khamosiyon me dabi jo ruh ki aahat hai,
Use AAwaz dene ki dil se ab chahat hai.
Chupkar baithe dekha jo sahi aur galat me fark hai,
Zindgi ke aashiyane me chupa kahin swarg aur kahin nark hai,
Koi hai peedhit paresaniyon se aur koi sahi salamat hai
Use AAwaz dene ki dil se ab chahat hai.
Bahut hai mukammal aur fir hai wo jinhe karz hi karz hai,
Laakhon hai sukhi par zindgi lagti unhe feeki aur marz hai,
Kuch apne se jyada paa lene ki bigdi jo aadat hai
Use AAwaz dene ki dil se ab chahat hai.
