Jhagde hote hai roz hi yahan,
Jalta hai khoon aur uthta hai dhuan,
Apni hi soch aur hum hi hai wajah,
Naam leke dusron ka aata hai alag hi maza.
Aatm samman ki wo jhuti parat aasman chu leti hai,
Maa baap bhai behen dost yaar kisi ko bhi dhund leti hai,
Main hi hu boss bas yahi bhranti hoti hai,
Aise jhute dikhawe se kya kabhi koi kranti hoti hai
Apne andar ki hi bechani jo aag ki tarah bhadak rahi hai,
Tez gati ki saansein jo kitabi panno ki tarah fadak rahi hai,
180 ki gati se dil bhi dhakad raha hai,
Socho dhyan se kisika jeevan shayad agle 10 saal ke liye adak raha hai
Do pal baithke dekho yaaron tumhe isse kya mila,
Dusre ko dukh aur khud ko gila,
Hum se hi hai bimari aur hum hi hai dawa,
Pyaar isi ka dusra pehlu hai kyun na baaten usi ki hawa.
